Кітап!
Ол — адамзаттың жақын досы,
Келмейді кітапты ашпа көңіл хошы,
Ел мұңы
өмір сыры, ақын жыры -
Басылған таңба болып кітапқа осы ...
Өз елін сүйген ер, ақындық пен ғалымдықты қатар алып жүрген, ұлт азаттығы жолында азап шеккен арыс ақынның еңбегін бүгінгі ұрпаққа әйгілеп, соңында қалған рухани мұрасын оқырман қауымға кеңінен насихаттауы- қасиетті парыз. Келесі бөлім Нұра ауданының орталық кітапханасы қорындағы, ақынның қаламынан туындаған шығармаларына арналды.
Ысқақов, Б. Шығармалары / Б. Ысқақов.-Астана: Фолиант, 2014.-304 б.
Б. Ысқақовтың «Сарыарқа кітапханасы» сериясымен жарық көріп отырған бұл кітабына негізінен балаларға, жасөспірімдерге арналған өлеңдері топтастырылған.
Ысқақов, Б. Бұл менің көз жасым ғой қан аралас: Өлеңдер /Б. Ысқақов.- Қарағанды: «Болашақ-Баспа», РББ, 2014.-94 б.
Кітапқа ақынның әр жылдары жарық көрген жыр жинақтарынан іріктеліп алынған және жазықсыз жала жабылып, кеңестік концлагерьлерде жапа шеккен кезеңде жазылған өлеңдері топтастырылды.
Ысқақов, Б. Атаның сөзі - ақылдың көзі / құраст.: А. Ысқақова.-Алматы: "Абзал-Ай" баспасы, 2014.- 112 б.
Балалар ақыны, драматург, әдебиет зерттеушісі Бүркіт Ысқақовтың бұл жинағына жас жеткіншектерге арналған таңдаулы өлеңдері мен пьесалары енгізіліп отыр.
Ысқақов, Б. Қазақ және Еділ халықтары әдебиеттерінің идеялық- творчестволық байланыстары (шығу тегі мен жолдары).- Алматы: «Арыс» баспасы, 2007.-276 б.
Ақын, ғалым Бүркіт Ысқақовтың оқырман қолына тиіп отырған бұл еңбегі –оның өмірінің соңғы жылдарында жазған зерттеуі, қорғап үлгере алмаған докторлық диссертациясы. Қазақ, татар, башқұрт ақын-жазушылары шығармаларының өзара байланысы, мәдени қатынастар және олардың бір-біріне тигізген игілікті ықпалы жан—жақты сөз болады.
Ысқақов, Б. Ыбырай Алтынсарин (1841-1889) // Ұмытылмас есімдер: ұлы ғалымдар өмірінен (XV-XX ғасырлар) / құраст. Б. Ысқақов. - Алматы: Қазақстан, 1994. – 184-193 б.
Бұл кітапта XV-XX ғасырларда өмір сүріп, еңбек еткен есімдері әлемге әйгілі Ұлықбек, Қази-заде ар-Руми, әл-Құсшы, әд-Дауани Бабыр, Мұхаммед-Хайдер Дулати, Қадырғали Қосынұлы Жалаири, Әбілғазы жөнінде әңгімеленеді.
Қазақ балалар әдебиеті кітапханасы: Т.8: Өлеңдер, ертегілер, аңыздар, поэмалар/Қ. Мұқышев, Ә Ахметова, Б. Ысқақов, Н. Әлімқұлов.-Алматы: Жалын.-1991.-560 б.
"Қазақ балалар әдебиетінің кітапханасының" кезекті бұл томына белгілі ақындар Ә.Ахметов, Қ.Мұқышев, Б.Ысқақов, Н. Әлімқұловтың жас оқырманадарға араналған поэзиялық шығармалары еніп отыр.
